Namangan muhandislik-qurilish instituti jamoasi “Yashil makon” marafonida ishtirok etdi
Namangan muhandislik-qurilish instituti jamoasi Qoraqalpogʻiston poytaxti Nukus shahrida start berilgan “Yashil makon” marafonida ishtirok etdi.
Dastlab institut sport majmuasi yaqinidagi hududga oʻrnatilgan monitor orqali Oliy taʼlim, fan va innovatsiyalar vaziri Qoʻngʻirotboy Sharipov, oliy oʻquv yurtlari rektorlari va vakillari ishtirokidagi tadbir onlayn kuzatib borildi.
Shundan soʻng prorektorlar, dekanlar, professor-oʻqituvchilar, tyutor va talabalar hududga koʻchat ekishga kirishdi. Buning uchun barcha sharoitlar — maxsus kiyim, asbob-anjom va koʻchatlar tayyor qilib qoʻyilgan edi.
Jamoa tomonidan ushbu tadbir davomida institut hududiga yuzlab pavloniya, bodom va gul koʻchatlari ekildi.