Muhandislik kommunikatsiyalari fakulteti jamoasi Ibrat muzeyi va buyuk jadid haqidagi taqdimot bilan tanishdi
Muhandislik kommunikatsiyalari fakulteti professor-oʻqituvchilari fakultetda joriy etilgan “Maʼnaviyat va maʼrifat” kuni doirasida Toʻraqoʻrgʻon tumanidagi Isʼhoqxon toʻra Ibrat nomidagi muzey hamda xiyobonda boʻldi.
Safardan koʻzlangan asosiy maqsad buyuk jadidning bosib oʻtgan hayot yoʻli, amalga oshirgan ishlari hamda qoldirgan ilmiy va adabiy merosi bilan fakultet jamoasini yaqindan tanishtirish boʻldi.
Jamoa muzey va xiyobon bilan tanishib boʻlganidan soʻng tarix fanlari nomzodi, dotsent Tohirjon Qozoqov tomonidan “Isʼhoqxon Ibrat – jadid va tadqiqotchi” mavzusidagi ilmiy tadqiqot taqdim etildi. Taqdimot davomida berilgan maʼlumotlar ishtirokchilar uchun muhim ahamiyatga ega boʻldi.