Mergan talabamiz Jahon kubogida g‘alaba qozondi!
O‘q otish bo‘yicha O‘zbekiston terma jamoasi Indoneziyadagi Jahon kubogi bosqichida ishtirok etmoqda.
Erkaklar o‘rtasida 10 metrga pnevmatik to‘pponchadan otish dasturida ishtirok etgan NamMQI talabasi Muhammadjon Kamalov oltin medalni qo‘lga kiritdi.
Saralashdan muvaffaqiyatli o‘tgan talabamiuz finalda ham ishonchli harakatlari bilan faoliyatidagi muhim g‘alabalardan biriga erishdi. Oltin medal uchun kurashda u turkiyalik Muhammad Kelesdan ustun keldi.
1. Muhammad Kamalov (O‘zbekiston)
2. Muhammad Keles (Turkiya)
3. Muhammad Prabova (Indoneziya)
Qayd etish joiz, bu o‘zbekistonlik sportchilarning Jahon kubogida mazkur yo‘nalishdagi ilk g‘alabasi hisoblanadi. Ushbu muvaffaqiyat bilan Kamalov jahon va Olimpiada reytingi uchun o‘z hisobiga 2000 ochkoni qo‘shib qo‘ymoqda.