M.Auezova nomidagi Janubiy-Qozog‘izton davlat universitetidan mehmon
O‘zbekiston Respublikasi Prezidentining 2017 yil 20 apreldagi PQ-2909-sonli “Oliy ta’lim tizimini yanada rivojlantirish chora-tadbirlari to‘g‘risida”gi qarori ijrosini ta’minlash maqsadida dunyo oliy ta’lim muassasalari reytingida TOP-500 talikka kirgan M.Auezova nomidagi Janubiy-Qozog‘izton davlat universitet dotsenti, texnika fanlari doktori, chlenkor akademik Sarsenbayev Bakitjan Kudaybergenovich kutib olindi. U universitet qoshidagi “Qurilish materiallari, arxitektura va qurilish” ilmiy-tadqiqot instituti direktori lavozimida faoliyat olib bormoqda.
NamMQI dan mexmonni ilmiy ishlar va innovatsiyalar bo‘yicha prorektor Muxammadjon Dadamirzaev, institutning halqaro aloqalari bo‘lim boshlig‘i Islomjon Ergashev va “Bino va inshootlar qurilishi” kafedrasi professor-o‘qituvchilari kutib oldilar. Mexmon bilan yaqindan tanishildi va u raxbarlik qilayotgan ilmiy-tadqiqot institutida olib borilayotgan ilmiy-tadqiqot ishlari, zamonaviy laboratoriya jixozlari to‘g‘risida malumotlar olindi. Kelgusida hamkorlik aloqalarini doimiy olib borish, qurilish yo‘nalishida faoliyat olib borayotgan yosh o‘qituvchilarni, hamda shu yo‘nalishdagi magistrlarni soha bo‘yicha ilmiy-tadqiqot ishlariga jalb etish masalalariga alohida to‘xtalib, kelishib olindi. Bakitjan Kudaybergenovich NamMQIda olib borilayotgan ilmiy-tadqiqot ishlari bilan yaqindan tanishdi.