Mashinasozlik texnologiyasi kafedrasi mudiri, professor Shukurjon Kenjaboev 60 yoshni qarshiladi
Namangan muhandislik-qurilish institutida professor-o‘qituvchilarni yubiley sanalari bilan tabriklash odat tusiga kirgan. Institut jamoasi bu gal Mashinasozlik texnologiyasi kafedrasi mudiri, professor Shukurjon Kenjaboevning 60 yillik tavallud ayyomini nishonlash uchun jamlandi.
Shukurjon Kenjaboev 1963 yil 23 avgustda Chortoq tumanida tug‘ilgan. 1985 yilda Toshkent politexnika institutini tamomlagan. 1994 yilda Namangan sanoat-texnologiya institutida (hozirgi Namangan muhandislik-qurilish instituti) assistentlikdan faoliyatini boshlab, texnika fanlari doktori va rektorlikkacha bo‘lgan yo‘lni bosib o‘tdi.
Institut rektori Sharifjon Ergashev yubilyarni sana bilan bilan qutlab, eng ezgu tilaklarni bildirdi. O‘zbekona udumlarga muvofiq, professorga to‘n kiydirildi va esdalik sovg‘alari topshirildi.
Shukurjon Kenjaboev yakunda so‘z olib, jamoaga va hamkasblarga o‘z minnatdorligini bildirdi.