Maktab yaratgan ustozning mehnatlari eʼtirof etildi
Namangan muhandislik-qurilish institutida fizika-matematika fanlari doktori, professor Gʻafurjon Gʻulomov tavalludining 75-yilligiga bagʻishlab oʻtkazilgan xalqaro ilmiy-amaliy anjuman yalpi majlisining yakuniy qismi haqiqiy bayram koʻrinishi oldi.
Institut rektori Sharifjon Ergashev yubilyarga Oliy taʼlim, fan va innovatsiyalar vazirining faxriy yorligʻi va esdalik sovgʻalarini topshirdi.
Qoʻshni Qirgʻiziston, Qoraqalpogʻiston respublikasi, poytaxt Toshkent va vodiy viloyatlaridagi oliy taʼlim muassasalaridan kelgan vakillar ustozni tavallud ayyomi bilan qutlab, oʻzlarining eng ezgu tilaklarini bildirdi.
Ushbu chiqishlar chogʻida Gʻafurjon Gʻulomov yarimoʻtkazgichlar fizikasi fanida haqiqiy maktab yaratganligi, ushbu maktab nafaqat mamlakatda, balki xorijda ham tan olinganligi alohida eʼtirof etildi.
NamMQI media markazi