Korrupsiyaga qarshi kurash bo‘yicha tashkil etilgan yoshlar klubi a'zolari bilan uchrashuv
Namangan muhandislik-qurilish instituti “Komplaens nazorat” bo‘limi tomonidan Muhandislik kommunikasiyalari va Sanoatni axborotlashtirish fakultetlarida korrupsiyaga qarshi kurashish bo‘yicha tashkil etilgan “Talaba-yoshlar” klubi a'zolari bilan uchrashuv o‘tkazildi.
Uchrashuvda klub a'zolariga institutda targ‘ibot-tashviqot ishlari orqali korrupsiyaning har qanday ko‘rinishlariga nisbatan toqatsizlikni shakllantirish, olib borilayotgan targ‘ibot ishlarida faol ishtirok etish lozimligi ta'kidlanib, korrupsion jinoyatlarning mazmun-mohiyati, ularning kelib chiqish sabablari hamda salbiy oqibatlari haqida tushunchalar berildi.
Uchrashuvda “Talaba-yoshlar” klubi a'zolari bilan hamkorlikdagi tadbirlarni yanada ko‘paytirish va kuchaytirish yuzasidan kelishib olindi.