Koordinatorlarga kompyuter jamlanmalari topshirildi
Namangan muhandislik-qurilish instituti rektori Sharifjon Ergashev tashabbusi bilan O‘zbekiston Yoshlar ittifoqi Boshlang‘ich tashkilotining fakultet koordinatorlariga kompyuter jamlanmalari topshirildi.
“Bu koordinatorlarning yanada shiddatli, sifatli va tezkor ishlashiga turtki bo‘ladi”, deydi sovg‘alarni o‘z egalariga topshirgan institut Raqamli ta'lim texnologiyalari markazi rahbari Muzaffar Muxtorov.
Ma'lumot uchun, Oliy ta'lim, fan va innovatsiyalar vazirligi hamda Yoshlar ittifoqi Markaziy Kengashining 2023 yil 29 martdagi qo‘shma qarori ijrosini ta'minlash maqsadida har bir koordinator alohida xona bilan ta'minlagan va har oyda moddiy rag‘batlantirib kelinmoqda.