Janubiy Qozog‘iston universiteti va Namangan qurilish instituti o‘rtasidagi hamkorlik shartnomasi
Janubiy Qozog‘iston universiteti va Namangan qurilish instituti o‘rtasidagi hamkorlik shartnomasi asosida ta'lim va fan sohasidagi hamkorlikni rivojlantirish hamda hamkorlik aloqalarini mustahkamlash maqsadida Janubiy Qozog‘iston universitetidan professor-o‘qituvchilar Axborot tizimlari va modellashtirish kafedrasi dosenti Ismailov Xayrulla Baxtiyarovich hamda “Axborot tizimlari va modellashtirish” kafedrasi dosenti Tileuov Gamidulla Esbolovichlar institut bilan tashkil etilgan hamkorlik doirasida Axborot tizimlari va texnologiyalari kafedrasiga tashrif buyurishdi.
Tashrif doirasida ikki oliy ta'lim muassasasida Axborot texnologiyalari yo‘nalishi bo‘yicha malakali kadrlarni yetishtirish, ilmiy, uslubiy ishlar bo‘yicha kelgusida amalga oshiriladigan vazifalar muhokama qilindi.
Delegasiya a'zolari institutning moddiy-texnika bazasi, ilmiy laboratoriyalari bilan yaqindan tanishtirildi.
Shuningdek, tashrif doirasida vakillar institut talabalariga o‘z yo‘nalishlarida saboq berishdi.