Institutda “Nazariy mexanika” kitobining taqdimoti bo‘lib o‘tdi
Institut axborot-resurs markazida Materiallar qarshiligi va mexanikasi kafedrasi dotsenti Shirin Jumaboeva qalamiga mansub “Nazariy mexanika” kitobining taqdimoti bo‘lib o‘tdi.
Taqdimotda institut birinchi prorektori Odiljon Jakbarov so‘z olib, ushbu fundamental ilmiy nashrning ahamiyati haqida so‘z yuritdi. Mexanika fanining barcha jabhalarini jamlagan kitob talabalar, magistrlar va tadqiqotchilar uchun bebaho qo‘llanma ekanligini ta'kidladi.
Dotsent Shirin Jumaboeva kitobning yozilish va yaratilish tarixi, strukturasi, tayanilgan manbalar, foydalanishda e'tibor qaratish zarur bo‘lgan jihatlar haqida gapirib berdi. Kitob uni mutolaa qiladigan ilm odamlari va yoshlar uchun qimmatli bo‘lishiga umid bildirdi.
NamMQI media markazi