Institutda «Men donorman» aksiyasi o‘tkazildi
Namangan muhandislik-qurilish instituti Yoshlar ittifoqi Boshlang‘ich tashkiloti tashabbusi bilan 1-sonli Talabalar turar joyida «Men donorman» shiori ostida beg‘araz donorlik aksiyasi o‘tkazildi.
Viloyat qon quyish markazi mas'ullari bilan hamkorlikda tashkil etilgan xayriya aksiyasida fakultet va yo‘nalish koordinatorlari, faol talaba-yoshlar hamda institut xodimlari ishtirok etdi.
Malakali mutaxassislardan kerakli tavsiya, maslahat va ma'lumotlar olgan institut jamoasi kasalliklar bilan qiynalayotgan aholi vakillariga yordam tariqasida beminnat qon topshirdi.
Bunday savobli loyihalar hamda aksiyalar davomli o‘tkazilishi rejalashtirilgan.