Institutda "Kutubxonachilar kuni" nishonlandi
Namangan muhandislik-qurilish institutida 21-may "Kutubxonachilar kuni" munosabati bilan tantanali bayram tadbiri boʻlib oʻtdi.
Tadbirni institut rektori Sharifjon Ergashev tabrik soʻzi bilan ochib berib, oliygohda kitobxonlik madaniyati sezilarli darajada oshayotgani va bunda kutubxonachilarning oʻrni beqiyos ekanligini taʼkidladi.
Axborot-resurs markazida bir necha yillardan buyon samarali faoliyat yuritayotgan qator xodimlar institut rahbariyatining faxriy yorliq va tashakkurnomalari bilan taqdirlandi hamda moddiy ragʻbatlantirildi.
Iqtidorli talaba-yoshlar tomonidan ijro etilgan kuy-qoʻshiqlar, milliy raqslar, bayramona sheʼrlar va qiziqarli chiqishlar tadbirga oʻzgacha ruh bagʻishladi.