Institut xorijiy tillar kafedrasi oʻqituvchisi Namangan davlat universitetidagi hamkasblariga saboq berdi
NamMQI Xorijiy tillar kafedrasi katta oʻqituvchisi Palina Botirova Namangan davlat universitetining “Ijtimoiy-gumanitar yoʻnalishlar boʻyicha chet tillar” va “Aniq va tabiiy yoʻnalishlar boʻyicha chet tillar” kafedralari professor- oʻqituvchilariga “Talabalarga xorijiy til oʻqitishda innovatsion yondoshuv” mavzusida seminar-trening oʻtkazdi.
Seminar-treningda nofilologik taʼlim yoʻnalishi talabalariga xorijiy til oʻqitishda duch kelinadigan muammolar va ularni yechishda innovatsion yondashuvlar, mustaqil taʼlim topshiriqlarini berishda yangicha gʻoyalar va kompyuter texnologiyalaridan foydalangan holda darslar oʻtish usullari bilan oʻrtoqlashildi.
Tadbir yakunida seminar-trening ishtirokchilari bilan mavzu yuzasidan bevosita muloqot boʻlib oʻtdi.