Institut vakillari "Namangan yetakchilari forumi"da ishtirok etdi
Oʻzbekiston Yoshlar ittifoqi Namangan viloyat Kengashi tashabbusi bilan Namangan muhandislik-texnologiya institutida oliy taʼlim muassasalarida faoliyati olib borayotgan yetakchi, koordinator va "Qalqon" guruhi aʼzolari ishtirokida forum boʻlib oʻtdi.
Forum avvalida ishtirokchilar uchun institut boʻylab ekskursiya tashkil etildi. Soʻngra spikerlar tomonidan belgilangan mavzular yuzasidan maʼruzalar qilindi.
Institut yetakchisi Diyorbek Soataliyev "Volontyorlik guruhlari, Jamoa shakllantirish" mavzusida ishtirokchilar bilan oʻzaro fikr almashdi.
Shuningdek, viloyatdagi oliy taʼlim muassasalari yetakchilariga ishonch yorliqlari taqdim etilgan boʻlsa, faoliyati eʼtirofga loyiq boʻlgan bir guruh koordinatorlar viloyat kengashi tomonidan tashakkurnoma bilan taqdirlandi.