Institut talabalar turar-joyida “Maqom – koʻngil oromi” nomli musiqali maʼnaviy-maʼrifiy tadbir oʻtkazildi
Muhandislik kommunikatsiyalari fakulteti tashabbusi va masʼulligida tashkil etilgan tadbirda Namangan shahar Davlatobod tumani 1-sonli bolalar musiqa va sanʼat maktabi Anʼanaviy ijrochilik boʻlimi rahbari Azizbek Poʻlatov boshchiligidagi ijodkor oʻquvchilar jamoasi ishtirok etdi.
Tadbir davomida milliy maqomchilik hamda lirik yoʻnalishdagi qoʻshiqlar ijro etildi. Maqom tarixi, tarkibi va ahamiyati haqida yoshlarga maʼlumot berildi.
Xususan, 2023-yil Ozarbayjonda oʻtkazilgan xalqaro maqom festivali sovrindori Madina Karimjonovaning ijrosi talabalar olqishiga sazovor boʻldi.
Tadbir yakunida ijodkorlarga institut rahbariyatining tashakkurnomasi va esdalik sovgʻalari taqdim etildi.