Ilhomjon Sayfullaev Iqtisodiyot va boshqaruv fakulteti dekani etib tayinlandi
U 1978 yili Kosonsoy tumanida tug‘ilgan. Ma'lumoti oliy, 1998 yili Namangan muhandislik-iqtisodiyot instituti, 2011 yilda esa Prezident huzuridagi Davlat va jamiyat qurilishi akademiyasini tamomlagan. Iqtisodiyot fanlari bo‘yicha falsafa doktori.
Mehnat faoliyatini 1998 yili Kosonsoy texnologiya-iqtisodiyot kollejida o‘qituvchilikdan boshlagan. So‘ng Kosonsoy va To‘raqo‘rg‘ondagi kollejlarda direktor o‘rinbosari, viloyat o‘rta maxsus kasb-hunar ta'limi boshqarmasi bosh mutaxassisi, bo‘lim boshlig‘i, Oliy va o‘rta maxsus ta'lim vazirligi kasb-hunar ta'limi markazi bosh mutaxassisi, boshqarma boshlig‘i o‘rinbosari, NamMQI Qurilish hamda Iqtisodiyot va boshqaruv fakultetlarida dekan o‘rinbosari vazifalarida ishlab kelgan.
2022 yil iyuldan beri institut o‘quv-uslubiy boshqarmasi boshlig‘i lavozimida faoliyat yuritib kelayotgandi.
Ilhomjon Sayfullaev insttitut rektorining 2023 yil 3 maydagi buyrug‘i bilan Iqtisodiyot va boshqaruv fakulteti dekani etib tayinlandi.