Hindistonning Graphic Era universiteti xalqaro aloqalar bo‘limi boshlig‘i Rajendr Kumar Sharma NamMQI mehmoni
Hindistonning Graphic Era universiteti xalqaro aloqalar bo‘limi boshlig‘i Rajendr Kumar Sharma NamMQI mehmoni bo‘lib turibdi
Mazkur oliy o‘quv yurti 1993 yilda tashkil topgan bo‘lib, bugungi kunda Hindistondagi universitetlar top-100 taligiga kiradi. Bu yerda dunyoning turli davlatlaridan kelgan 15 mingdan ortiq talaba biotexnologiya, muhandislik, menejment, tibbiyot, psixologiya, iqtisodiyot, siyosatshunoslik, sotsiologiya kabi o‘nlab yo‘nalishlarda tahsil oladi.
Hindistonning O‘zbekistondagi elchixonasi tavsiyasiga muvofiq mamlakatingizdagi sherik sifatida aynan Namangan muhandislik-qurilish institutini tanladik. Biz sizlarga professor-o‘qituvchilar va talabalar almashinuvi, qo‘shma dasturlar doirasida ishlashni taklif etamiz, — dedi doktor Sharma.
Graphic Era vakili o‘zi faoliyat olib borayotgan universitet tarixi va bugungi kuni haqida batafsil gapirdi, videorolik namoyish etildi. Yakunda NamMQI professor-o‘qituvchilarining ushbu oliy o‘quv yurti va hamkorlik istiqbollari haqidagi savollariga batafsil javoblar berildi.
NamMQI media markazi