Hindistonning Graphic Era universiteti o‘rtasida hamkorlik memorandumi imzolandi
Namangan muhandislik-qurilish instituti va Hindistonning Graphic Era universiteti o‘rtasida hamkorlik memorandumi imzolandi.
NamMQI rektori Sharifjon Ergashev Zoom platformasi orqali Hindistonning Graphic Era universiteti vitse-prezidenti Narpinder Singx bilan muloqotda bo‘ldi.
Muloqot davomida ikki oliy o‘quv yurti o‘rtasida hamkorlik aloqalarini o‘rnatish masalalari muhokama qilindi. Hamkorlikning aniq amalga oshirish mexanizmlari ko‘rib chiqildi. E'tiborli tomoni, rektor mehmon bilan ingliz tilida muloqot qildi.
Tadbir yakunida Namangan muhandislik-qurilish instituti va Hindistonning Graphic Era universiteti o‘rtasida hamkorlik memorandumi imzolandi.
Profssor-o‘qituvchilar va talabalar almashinuvi, o‘zaro ilmiy loyihalar va tadqiqotlar olib borish, olimlarni ma'ruzalar o‘qish uchun jalb etish, ilmiy-amaliy anjumanlar o‘tkazish kabi ko‘plab yo‘nalishlarni o‘z ichiga qamrab olgan ushbu hujjatni NamMQI rektori Sharifjon Ergashev va Graphic Era universiteti xalqaro aloqalar bo‘limi boshlig‘i Rajendr Sharma imzoladi.