«GUITAR SHOW YANGI NAMANGAN SADOSI» tanlovining 2-mavsum g‘oliblari aniqlandi
«GUITAR SHOW YANGI NAMANGAN SADOSI» tanlovi 2-mavsumining final qismi NamMQI talabalar turar-joyida bo‘lib o‘tdi. Unda Yangi Namangan tumani hokimi o‘rinbosari, Yoshlar ishlar agentligi tuman bo‘limi boshlig‘i, NamMQI mutasaddilari, talabalari va musiqa ixlosmandlari ishtirok etdi.
Yoshlar ishlari agentligi Yangi Namangan tumani bo‘limi tomonidan tashkillangan mazkur tanlovda viloyatimizdagi 7 yoshdan 30 yoshgacha bo‘lgan 50 dan ortiq iste'dod egalari ishtirok etdi. Ulardan 15 nafari yakuniy bosqichga yetib keldi.
Unda Norin tumani vakili Jasur Po‘latov 1-o‘ringa munosib ko‘rildi, 2-o‘rin Namangan shahrining iste'dodli yoshlaridan A'zamjon Muhammedov, 3- o‘rin esa Chortoq tumani vakili Avazbek Tursunovga nasib etdi.
Shuningdek, ishtirokchilar turli xil nominasiyalar bo‘yicha ham g‘oliblikni qo‘lga kiritdi. Tanlov g‘oliblariga tashkilotchilar tomonidan diplom va esdalik sovg‘alari topshirildi.