“Fargʻona vodiysida xavfsiz harakatni taʼminlash: muammo va yechimlar” mavzusidagi xalqaro konferensiyaga tayyorgarlik masalalari muhokama qilindi
Joriy yil 23-24-fevral kunlari Namangan muhandislik-qurilish institutida “Fargʻona vodiysida xavfsiz harakatni taʼminlash: muammo va yechimlar” mavzusida xalqaro ilmiy-amaliy konferensiya boʻlib oʻtadi.
Ushbu konferensiyaga tayyorgarlik doirasida institutda ilmiy ishlar va innovatsiyalar boʻyicha prorektor Muhammadjon Dadamirzayev boshchiligida tashkiliy guruh yigʻilishi oʻtkazildi. Unda viloyat IIB Yoʻl harakati xavfsizligi boshqarmasi vakillari ham ishtirok etdi.
Yigʻilishda konferensiyani yuqori saviyada oʻtkazish bilan bogʻliq masalalar—anjumanga taqdim etiladigan maʼruzalar, hududga oʻrnatiladigan targʻibot-tashviqot vositalari, taklif etiladigan mehmonlar, koʻrsatiladigan obyektlar haqida maslahatlashib olindi.
Ishtirokchilarning taklif va fikr-mulohazalari tinglanib, ularning ijrosi oʻzaro hamkorlikda hal etiladigan boʻldi.