Chust tumani maktablari psixologlari va bitiruvchilari bilan uchrashuv oʻtkazildi
Tuman maktab va maktabgacha taʼlim boʻlimida oʻtkazilgan uchrashuvni institut matbuot kotibi Azizbek Abduvaliyev ochdi va olib bordi.
Institut birinchi prorektori Odiljon Jakbarov taqdimoti davomida institut salohiyati, reytinglardagi oʻrni, fakultet va yoʻnalishlar haqida tushunchalar berdi.
Bugungi kunda Chust tumanidan institutda 500 nafardan ortiq talaba tahsil olmoqda. Transport fakulteti dekani Bahriddin Mahmudov, dotsent Abduqayum Normirzayev oʻz chiqishlarida bu yil ularning safi yanada kengayishiga umid bildirishdi.
Prezident va nomli davlat stipendiyalari sohiblari Diyorbek Soataliyev, Ahmadjon Muxtorjonov, Husniobod Valijonova, Shahzoda Gʻulomjonova va “Qalqon” guruhi aʼzolari institutda erishgan natija va yutuqlari haqida hikoya qildi.
Shundan soʻng tuman maktablari psixologlari va bitiruvchilar bilan jonli muloqot boʻlib oʻtdi.
NamMQI media markazi