Belaruslik murabbiy NamMQI sport majmuasida mahorat darsi oʻtdi
Institut sport majmuasida Belarusda xizmat koʻrsatgan murabbiy, sport ustasi Mixail Kovalenko bilan uchrashuv boʻlib oʻtdi.
Mehmon institut sport kafedrasida boʻlib, oliy oʻquv yurtida talabalar jismoniy tarbiya bilan shugʻullanishi uchun yaratilgan sharoitlar bilan tanishdi. Shuningdek, yosh sportchi talabalar uchun oʻziga xos mahorat darsi oʻtib berdi.
Mahorat darsi davomida voleyboldagi yangiliklar, zamonaviy yondashuvlar haqida maʼlumot berildi. Toʻp bilan ishlash taktikasi, maydondagi oʻyinchilar holati, hujumga oʻtish va himoyalanish koʻnikmalari amalda koʻrsatildi.
Kafedra vakillari Mixail Kovalenko bilan kelgusidagi hamkorlik rejalari haqida kelishib oldi.