Barcha professor-o‘qituvchilar va talabalar diqqatiga!
Namangan muhandislik-qurilish institutining ichki imkoniyatlari, mahalliy ob-havoning hozirgi holati, mavjud shart-sharoitlarini inobatga olgan holda 2023 yilning 11 yanvar kunidan tasdiqlangan reja-grafik asosida o‘quv jarayonlari amalga oshiriladi.
Bunda 1-2-3- kurslarda kuzgi semestr o‘quv jarayoni bo‘yicha nazariy ta'limning yakunlanganligini inobatga olgan holda, kunduzgi ta'lim, magistratura, qo‘shma ta'lim yo‘nalish va mutaxassisliklarida institutga kelish imkoniyati bo‘lgan talabalarga 11 yanvardan boshlab maxsus kurslar, yakuniy nazorat haftaligiga tayyorgarlik (jadval asosida konsul'tasiya va qo‘shimcha darslar) olib boriladi.
1-2-3-kurslarda mavjud shart-sharoitlarini inobatga olgan holda tasdiqlangan jadvalga muvofiq (jadval alohida e'lon qilinadi) yakuniy nazoratlar boshlanadi.
16 yanvar, dushanba kunidan boshlab 4-kurslarda o‘quv jarayonlari dars jadvallari asosida davom ettiriladi.
Respublikamizning olis hududlaridan kelib ta'lim oladigan talabalarga qulaylik yaratish maqsadida konsul'tasiya va qo‘shimcha darslar masofaviy shaklda tashkil etiladi.
O‘quv jarayonlari boshlanishi bilan bog‘liq savollar bo‘yicha institut shtabiga, fakultet dekanatlari va guruhlarga biriktirilgan tyutorlarga murojaat qilishingiz tavsiya etiladi.
NamMQI rektorati