Aziz kitobsevar do‘stlar, ilmiy tadqiqotchilar va pedagoglar!
Respublika ilmiy pedagogika kutubxonasi jamoasi vaqtingizni kitob mutolaasi bilan o‘tkazamoqdasiz deb umid qilamiz.
Biz Sizga kutubxonamizning (WWW.Pedkutubxona.uz) saytidagi 10000 dan ziyod pedagogika, psixologiya, tilshunoslik, dinshunoslik, tibbiyot, texnika, san'at, sport, tarix va boshqa yo‘nalishlardagi ilmiy, ilmiy-ommabop, ensiklopedik kitoblar bilan bir qatorda badiiy-ommabop, hujjatli, turli mavzudagi roman, hikoyalar, qissalar, esselar, dramatik, satirik va yumoristik janrdagi asarlar, she'rlar, g‘azallar bitilgan o‘zbek va rus tillaridagi elektron kitoblarni taqdim etishdan xursandmiz.
Saytdan Siz o‘zbek xalqining bobokalonlari Beruniy, Ibn Sino, A.Navoiy kabi allomalarning durdona asarlarini, shuningdek, o‘zbek va chet el olim, yozuvchi va shoirlarining asarlarini yuklab olishingiz mumkin.
Ha, aytgancha, saytda umumiy o‘rta ta'lim maktablari va oliy o‘quv yurtlari uchun turli yillarda nashr etilgan darsliklar, metodik qo‘llanmalar ham mavjud.
Eslatib o‘tamiz, saytga kirish uchun ro‘yxatdan o‘tilmaydi, kitoblarni yuklab olish bepul. Saytimizga hamda ijtimoiy tarmoqlardagi kanallarimizga a'zo bo‘ling. Yaqinlaringiz, do‘stlaringizga ham ulashing.