Amerikalik mutaxassis NamMQI faoliyati bilan tanishdi
AQSh elchixonasining Fulbright English Teaching Assistant (Fulbright ETA) dasturi doirasida amerikalik ingliz tili mutaxassisi Rozvell Xanna Linn Namanganda faoliyat olib bormoqda. U oliy o‘quv yurti faoliyati bilan tanishish, talabalar bilan yaqindan muloqot qilish uchun Namangan muhandislik-qurilish institutiga keldi.
Mehmonni institut ilmiy ishlar va innovatsiyalar bo‘yicha prorektori Muhammadjon Dadamirzaev qabul qildi. Mutaxassisga NamMQI bugungi kuni, talabalari, amalga oshirilayotgan loyihalar haqida batafsil ma'lumot berildi.
Qabul va muloqot jarayonida institut Xalqaro aloqalar bo‘limi boshlig‘i Islomjon Ergashev hamda ushbu uchrashuvni tashkillagan Muhandislik kommunikatsiyalari fakulteti dekani Fayzulla Nishonov ishtirok etdi.
NamMQI media markazi