Қозон федерал университетини қўшма таълим дастури бўйича битирувчи талабаларимиз
Машинасозлик, транспорт ва менежмент йўналишларида аввал Наманганда, сўнг Татаристонда таҳсил олган талабаларга дипломларини Қозон федерал университети ўқув ишлари бўйича проректори Екатерина Турилова топширди.
Тадбирда Набережние Челни шаҳри раҳбарининг ўринбосари Равиль Ҳалимов иштирок этди. Шунингдек, битирувчиларни қутлаш учун улар амалиёт ўтган «КАМАЗ» акциядорлик жамияти вакиллари ҳам келишди.
Маросимда шахсан иштирок этган НамМҚИ ректори Шарифбой Эргашев ва Набережние Челни институти директори Маҳмуд Ғаниев ёшларга келгусидаги фаолиятларида муваффақиятлар тилаб, ўзларининг энг эзгу тилакларини билдиришди.
НамМҚИ медиа маркази