“Oʻzbekiston milliy metrologiya instituti” Namangan filialida NamMQI “Kimyo muhandisligi” kafedrasi uchun oʻquv xonasi ajratildi
Institut “Kimyo muhandisligi” kafedrasi mudiri Rixsitilla Najmiddinov “Oʻzbekiston milliy metrologiya instituti” davlat muassasasi Namangan hududiy filiali rahbari Husanboy Nishonov bilan uchrashdi.
Kafedra katta oʻqituvchisi Faxriddin Qoʻziboyev ham ishtirok etgan muzokaralar davomida filial va kafedra oʻrtasida hamkorlik shartnomasi imzolandi.
5-yilga moʻljallangan shartnomadan kafedra uchun maxsus oʻquv xonasi ajratish, ushbu xonani texnik vositalar bilan jihozlash va talabalar uchun oʻquv mashgʻulotlari tashkil etish masalalari oʻrin olgan.
Hozirda mazkur shartnoma doirasidagi harakatlar boshlanib, kafedra uchun alohida oʻquv xonasi ajratildi. Tez orada ushbu xonada talabalar uchun mashgʻulotlarga kirishiladi.