Stipendiatlar eʼtirof etildi
Oʻzbekiston Respublikasi Prezidenti va nomli davlat stipendiyalari sohiblari, institut Yoshlar ittifoqi Boshlangʻich tashkiloti koordinatorlari, Yoshlar akademiyasi liderlari, «Qalqon« guruhi aʼzolari ishtirokida mutasaddilar bilan muloqot tashkil etildi.
Uchrashuvda institut birinchi prorektori Odiljon Jakbarov, rektor maslahatchilari Azizbek Abduvaliyev, Diyorbek Soataliyev, Iqtidorli talabalarning ilmiy-tadqiqot faoliyatini tashkil etish boʻlimi boshligʻi Diyorbek Akbaraliyev ishtirok etib, yoshlar bilan oʻzaro fikr almashdi.
Ochiq muloqot davomida 2024-2025 oʻquv yilida Oʻzbekiston Respublikasi Prezidenti va nomli davlat stipendiyalari tanlovida gʻolib boʻlgan yoshlar eʼtirof etilib, ularning tanlov borasidagi fikrlari tinglandi.
Uchrashuv yakunida stipendiya sohiblari va faol talabalar institut rektorining tashakkurnomalari bilan taqdirlandi.
NamMQI media markazi