Qozogʻistonning Al-Farobiy nomidagi milliy universiteti bilan hamkorlik memorandumi imzolandi
Qirgʻiziston poytaxti Bishkek shahrida Markaziy Osiyo mamlakatlari oliy taʼlim muassasalarining rektorlar forumi doirasida qator hamkorlik shartnomalari imzolandi.
Jumladan, Namangan muhandislik-qurilish instituti va Qozogʻistonning Al-Farobiy nomidagi milliy universiteti bilan hamkorlik memorandumi imzolandi.
Ushbu hujjat professor-oʻqituvchilar va talabalar almashinuvi, ilmiy loyihalar borasidagi hamkorlik, oʻzaro stajirovkalarni tashkil etish va boshqa shu kabi yoʻnalishlarni oʻz ichiga oladi.
Memorandumni Namangan muhandislik-qurilish instituti rektori Sharifjon Ergashev va Al-Farobiy nomidagi milliy universitet rektori Janseit Tuymebayev imzoladi.
Shuningdek, forum davomida Qirgʻiz-Turk Manas universiteti rahbariyati bilan oʻzaro muloqot ham tashkil etildi.