Fargʻona viloyati hokimi Xayrullo Bozorov institut jamoasini bayram bilan tabrikladi
Fargʻona viloyati hokimi, institutning sobiq bitiruvchisi Xayrullo Bozorov, jamoani “Oʻqituvchi va murabbiylar kuni” hamda institut tashkil topganining 45-yilligi munosabati bilan tabrikladi.
Videotabrikda Xayrullo Bozorov ustozlarga ehtiromini bildirib, ushbu institutda tahsil olganidan faxrlanishi, uning istiqboli porloq boʻlishiga ishonishini bildirgan va bayram bilan qutlagan.
Fargʻona viloyati hokimligi kotibiyati mudiri Shohidbek Aslonov NamMQI rektoriga Xayrullo Bozorovning sovgʻasi — auditoriyalar uchun moʻljallangan elektron monitorlarni topshirdi.
Oʻz navbatida, Sharifjon Ergashev institut jamoasi nomidan Fargʻona viloyati hokimiga minnatdorlik bildirib, 45-yillik tarix haqida hikoya qiluvchi kitob va institut ramzi tushirilgan soat taqdim etdi.
NamMQI media markazi