"Saylov va yoshlar" targʻibot loyihasi boʻlib oʻtdi
Namangan muhandislik-qurilish institutida "Saylov va yoshlar" targʻibot loyihasi doirasida uchrashuv tashkil etildi.
Davra suhbatini institut birinchi prorektori Odiljon Jakbarov ochib berdi. Yoshlar koordinatorlari, "Qalqon" jamoasi aʼzolari, faol talabalar hamda ARM xodimlari ishtirok etgan uchrashuvda Sharofiddin Isaboyev va Anasxon Mamadaliyev spikerlik qildi.
Uchrashuv davomida spikerlar tomonidan ishtirokchilarga saylov qonunchiligidagi yangiliklar, aralash saylov tizimi, uning mohiyati toʻgʻrisida tushunchalar berildi.
Talaba-yoshlar oʻzlarini qiziqtirgan savollarga mutaxassis va maʼsullardan atroflicha javob oldilar.