Transport fakultetida darslik, qoʻllanma va monografiyalar taqdimoti oʻtkazildi
Transport fakulteti axborot-resurs markazi fondi uchun “Transport vositalari muhandisligi” kafedrasi professori Abdujalil Polvonovning transport vositalarida ishlatiladigan ekspluatatsion materiallar, avtoservis korxonalarini loyihalash, yuk avtomobillaridan foydalanish samaradorligini oshirish kabi yoʻnalishlar boʻyicha darslik, qoʻllanma va monografiyalari keltirildi.
Shu munosabat bilan fakultetda mazkur kitoblar taqdimoti oʻtkazildi.
Taqdimotda muallifning oʻzi ishtirok etdi va ushbu darslik, qoʻllanma va monografiyalarnig yaratilish va chop etish jarayonlari haqida doktorantlar va talabalarga batafsil hikoya qilib berdi.