Prezident Shavkat Mirziyoyev Matbuot va ommaviy axborot vositalari xodimlariga tabrik yoʻlladi
«Oʻz isteʼdodi va mahorati, fidokorona mehnati bilan el-yurtimizga sidqidildan xizmat qilib kelayotgan siz, milliy jurnalistikamiz jonkuyarlarini, soha rivojiga munosib hissa qoʻshgan muhtaram faxriylarimizni 27-iyun – Matbuot va ommaviy axborot vositalari xodimlari kuni bilan chin qalbimdan samimiy muborakbod etib, barchangizga yuksak hurmatim va ezgu tilaklarimni izhor etaman.
Ushbu quvonchli ayyomda sizlarni qutlugʻ kasb bayramingiz bilan yana bir bor tabriklab, barchangizga sihat-salomatlik, sharafli faoliyatingizda yangi yutuq va omadlar, xonadonlaringizga tinchlik va fayzu baraka tilayman.
Izlanish va ilhom zavqi, yangi ijodiy yutuqlar sizlarga hamisha yor boʻlsin, azizlar!» — deyiladi (https://president.uz/oz/lists/view/7346) davlat rahbari tabrigida.