NamMQIga biriktirilgan yoshlar institutga taklif etildi
Namangan muhandislik-qurilish institutiga biriktirilgan Yangiqoʻrgʻon tumanidagi Tuman, Bogʻ va Gʻovazon mahallalarining bir guruh yoshlari institutga taklif etilib, oliy oʻquv yurti bilan tanishtirildi. Ularga auditoriyalar va laboratoriyalar koʻrsatildi, “Jaholatga qarshi maʼrifat” mavzusidagi uchrashuvda ishtirok etishdi.
Shuningdek, yoshlarning institut mutasaddilari bilan muloqot tashkil etildi. Muloqot davomida yoshlarni oʻylantirayotgan muammolar tinglandi. Jumladan, qishloq xoʻjaligi uchun zarur uskunalar xarid qilish, imtiyozli kreditlar olish, oliy oʻquv yurtlariga oʻqishga kirishga tayyorgarlik yuzasidan murojaatlari tinglandi.
Murojaatlarning aksariyati joyida hal etildi, muddat talab etadiganlarining bajarilishi esa nazoratga olindi.