NamMQI sport majmuasi yaqinidagi maydonda “Yashil makon” umummilliy loyihasi doirasida ko‘chat ekish aksiyasi bo‘lib o‘tdi
Tadbirda institut rektori, prorektorlar, fakultet dekanlari, bo‘lim boshliqlari, professor-o‘qituvchi va talabalar ishtirok etdi. Aksiya davomida institut hovlisiga katalpa, akatsiya va boshqa manzarali daraxt ko‘chatlari ekildi. Institut xo‘jalik bo‘limiga ushbu ko‘chatlar beshikast avj olishini nazorat qilish vazifasi topshirildi. Qayd etish joiki, institutda “Yashil makon” umummilliy loyihasi bajarilishiga amaliy yondoshib kelinmoqda. Ushbu aksiyadan oldinroq NamMQI va unga tutash hududlarga 5 ming dona terak qalamchasi va shuncha atirgul ekilgandi.
NamMQI media markazi