NamMQI delegatsiyasi Hindistonning “Jamia Millia Islamia” universiteti rahbariyati bilan muzokaralar olib bordi
NamMQI vakillari Hindistonning Nyu-Dehli shahrida joylashgan “Jamia Millia Islamia” universiteti rektori professor Mazhar Asif bilan muzokaralar olib bordi.
Muzokaralar davomida 1920-yilda tashkil etilgan va oʻzining anʼanalariga ega ushbu oliygohda faoliyat olib borayotgan turli yoʻnalishdagi fakultetlar bilan oʻzaro aloqalar oʻrnatishga doir taklif va mulohazalar muhokama etildi.
Xususan, muhandislik, qurilish, arxitektura, veb-dizayn yoʻnalishidagi mutaxassisliklarni ingliz tilida oʻqitishga moʻljallangan oʻquv dasturlari, darsliklar, qoʻllanmalarni hamkorlikda yaratishga masalasi batafsil koʻrib chiqildi.
Universitet rahbariyatiga NamMQI logotipi tushirilgan esdalik sovgʻalari topshirildi.