Namangan muhandislik-qurilish instituti va Norvich til taʼlimi instituti oʻrtasida hamkorlik memorandumi imzolandi
Toshkentdagi xalqaro Vestminster universitetida boʻlib oʻtayotgan ikkinchi Oʻzbekiston–Buyuk Britaniya taʼlim forumi doirasida Namangan muhandislik-qurilish instituti va Norvich til taʼlimi instituti (Norwich Institute for Language Education) oʻrtasida hamkorlik memorandumi imzolandi.
Hujjatni NamMQI rektori Sharifjon Ergashev va Norvich til taʼlimi instituti direktor oʻrinbosari Mayk Rayli imzoladi.
Memorandum xorijiy tillarni o’qitishni takomillashtirish, akademik mobillik aloqalarini o’rnatish, malaka oshirish kurslarini tashkil etish kabi koʻplab jihatlarni oʻz ichiga oladi.