Institut talabalari uchun biznes uchrashuv tashkil etildi
Namangan muhandislik-qurilish instituti Yoshlar ittifoqi Boshlangʻich tashkiloti koordinatori Javohir Axralov tashabbusi bilan talaba-yoshlar uchun biznes uchrashuv tashkil etildi.
"Leader Education" o‘quv markazi rahbari va yosh tadbirkor Odilbek Botirov ishtirokida boʻlib oʻtgan uchrashuvda shaxsiy biznes yaratish, taʼlim va tadbirkorlik uygʻunligi mavzularida oʻzaro fikr almashildi.
Yoshlarni tadbirkorlikka ilhomlantirish, ta'lim va biznesni integratsiya qilish, yangi hamkorlik imkoniyatlarini yaratish maqsadida tashkil etilgan uchrashuv talaba-yoshlarda oʻzgacha taassurot qoldirdi.
Yoshlar oʻzlarini qiziqtirgan savollarga mutaxassis va masʼullardan atroflicha javob oldilar.