“Zakovat” intellektual oʻyini boʻlib oʻtdi
Namangan viloyatidagi oliy taʼlim muassasalari “Qalqon” jamoalari aʼzolari oʻrtasida “Zakovat” intellektual oʻyini boʻlib oʻtdi
Namangan muhandislik-qurilish instituti tashabbusi bilan Davlatobod tumanidagi yoshlar ziyo maskanida ilk bor tashkillangan va Vatan himoyachilari kuniga bagʻishlangan musobaqada 9 ta oliy oʻquv yurtining 14 ta jamoasi ishtirok etdi.
Institut rektori Sharifjon Ergashev, Yoshlar ittifoqi viloyat kengashi boʻlim mudiri Marjona Ahrolova ishtirokchilarni qutlab, ularga muvaffaqiyat tiladi.
Ikki soat davom etgan va turli mavzulardagi 20 dan ortiq savollar berilgan intellektual oʻyinda birinchi oʻrinni University of Business and Science, ikkinchi oʻrinni Namangan davlat universiteti, uchinchi oʻrinni esa Namangan muhandislik-qurilish instituti jamoalari egalladi.
Ularga diplomlar va NamMQI kasaba uyushmasi qoʻmitasining qimmatbaho sovgʻalari taqdim etildi.