"Yil talabasi-2023" tanlovining natijalari eʼlon qilindi
Xabaringiz bor, oliy taʼlim muassasalari talabalari oʻrtasida oʻtkazilgan "Yil talabasi-2023" tanlovining natijalari eʼlon qilingan edi. Beruniy nomidagi Davlat stipendiyasi sohiblari Qurilish fakulteti talabasi Ahmadjon Muxtorjonov va Transport fakulteti talabasi Bunyodbek No'monjonov tanlovning Respublika bosqichida faol ishtirok etib, VAZIR FAXRIY YORLIGʻI bilan taqdirlandi.
Ahmadjon Muxtorjonov "Islohotlar bilimdoni" keng tarmoqli koʻrik-tanlovining Respublika bosqichida ham 1-shart boʻyicha gʻolib boʻldi va faol ishtirok etgani uchun VAZIR FAXRIY YORLIGʻI bilan taqdirlandi.
Kuni-kecha Oliy taʼlim, fan va innovatsiyalar vazirligi Maʼnaviyat va maʼrifat markazi tomonidan faxriy yorliqlar va esdalik sovgʻalari egalariga yetkazildi.
Talabalarning keyingi faoliyatiga ham omad va zafarlar tilab qolamiz.