Yaponiyada faoliyat yuritayotgan sobiq NamMQI bitiruvchisi mahorat darsi o‘tdi
Namangan muhandislik-qurilish institutida Yaponiyaning Outsourcing Technologies kompaniyasi mutaxassisi Otabek Yorqinov tomonidan mahorat darsi o‘tkazildi.
Axborot tizimlari va texnologiyalari kafedrasi tomonidan tashkillangan darsda professor o‘qituvchilar, bitiruvchi kurs talabalari, magistrlar, doktorantlar va stajyor-tadqiqotchilar ishtirok etdi.
Institutning sobiq bitiruvchisi tomonidan o‘tkazilgan dars mobaynida kunchiqar mamlakatda axborot texnologiyalari yo‘nalishidagi yangiliklar, xorijda tahsil olish va faoliyat yuritishning o‘ziga xos tomonlari, mahalliy mutaxassislar e'tibor qaratishi zarur bo‘lgan jihatlar haqida so‘z yuritildi.
Ishtirokchilar Otabek Yorqinovga mavzu yuzasidan o‘zlarini qiziqtirgan savollarga batafsil javoblar olishdi.
NamMQI media markazi