Vazir Namangan muhandislik-qurilish instituti olimlari loyihasi bilan tanishdi
Vazir Namangan muhandislik-qurilish instituti olimlari loyihasi bilan tanishdi
Toshkentda boʻlib oʻtayotgan “InnoWeek 2024” Xalqaro innovatsion gʻoyalar haftaligi doirasidagi koʻrgazmaga Oliy taʼlim, fan va innovatsiyalar vaziri Qoʻngʻirotboy Sharipov tashrif buyurdi.
Vazir koʻrgazmadan oʻrin olgan Namangan muhandislik-qurilish instituti stendi bilan batafsil tanishdi.
Qoʻngʻirotboy Sharipovda, xususan, Mexanika kafedrasi dotsenti Ulugʻbek Dehqonov tomonidan taqdim etilgan “Barqaror ishlovchi shamol elektr stansiyasini loyihalash, sinovdan oʻtkazish va ishga tushirish” loyihasi katta qiziqish uygʻotdi.
Vazir ushbu loyihani yanada takomillashtirish yuzasidan taklif va mulohazalarini bildirdi.
Shuningdek, Oʻzbekiston Fanlar akademiyasi bosh kotibi Gʻayrat Bahodirov ham koʻrgazmada ishtirok etib, ushbu loyihaga alohida eʼtibor qaratdi.