Texnologik mashina va jihozlar kafedrasida “UZCHASYS” qoʻshma korxonasi mutasaddilarining talabalar bilan muloqoti boʻlib oʻtdi
Muloqotda Energetika va mehnat muhofazasi fakultetida tahsil olayotgan yuqori kurs talabalari hamda qoʻshma korxona xodimlari ishtirok etdi.
Muloqotni Energetika va mehnat muhofazasi fakultet dekani Rustamjon Soliyev olib bordi va mehmonlar bilan tanishtirdi.
“UZCHASYS” xodimlar boʻlimi boshligʻi Ulugʻbek Toshboyev korxona tarixi, faoliyati, ishlab chiqarish jarayonlari toʻgʻrisida taqdimot qildi. Shuningdek, talabalar oʻzlarini qiziqtirgan savollarga korxona mutasaddilaridan atroflicha javob oldi.
Tadbir yakunida Texnologik mashinalar va jihozlar kafedrasi mudiri Xurshid Abdulhayev soʻz olib, amalga oshirilayotgan islohotlar yoshlarga kelajakda ilgʻor muhandis sifatida zamonaviy korxonada faoliyat olib borish imkoniyati ekanligi taʼkidlab oʻtdi.
Korxona vakillari kafedra faoliyati bilan yaqindan tanishdi va hamkorlikda tashkil etilayotgan oʻquv xonasini koʻzdan kechirdi.