Talabalar bilan ochiq va samimiy muloqot
Avval xabar berganimizdek, bugun institut qoshidagi akademik litseyda institut rektori Sharifjon Ergashevning Mashinasozlik fakulteti talabalari bilan ochiq muloqoti bo‘lib o‘tdi. Muloqotda talabalarning turli sohalar bo‘yicha savol, taklif va murojaatlari tinglandi.
Jumladan, talabalik guvohnomalari berilishi, haydovchilikka o‘qish uchun to‘lovlarni arzonlashtirish, fakultet joylashgan bino oldiga svetofor o‘rnatish, ayrim yo‘nalishlarda sirtqi ta'limni ochish va harbiy kafedra tashkil etish, fanlar va o‘qituvchilarni tanlash jarayoniga oydinlik kiritish, auditoriyalarni talabalar soniga qarab belgilash, sport mashg‘ulotlari o‘tish uchun sharoitlar yaratish, yotoqxonalarda joy va ijara pullari to‘lanishi masalalari ko‘tarildi.
Institut rektori muloqotda ko‘tarilgan mavzu, muammo va takliflar ijrosi yuzasidan mutasaddilarga tegishli topshiriqlar berdi.
NamMQI media markazi