Siyosiy qatagʻon qurbonlari yodga olindi
Institut axborot-resurs markazida “Siyosiy qatagʻon qurbonlarini yod etish haftaligi” doirasida Ijtimoiy fanlar kafedrasi oʻqituvchisi Halimjon Joʻrayev ishtirokida “Qurilish muhandisligi” yoʻnalishi talabalari uchun davra suhbati oʻtkazildi.
Davra suhbatidan oldin talabalar ARM xodimlari tomonidan tayyorlangan siyosiy qatagʻon qurbonlari haqidagi xotira kitoblari va Behbudiy, Ibrat, Qodiriy, Choʻlpon, Fitrat kabi oʻzbek maʼrifatparvarlari asarlari bilan tanishish imkoniyatiga ega boʻldi.
Talabalar bilan muloqot davomida qatagʻonlar amalga oshirilgan yillar va ushbu musibatlarning millatga yetkazgan ulkan zarari haqida maʼlumotlar yetkazildi, savollarga batafsil javoblar berildi.
NamMQI media markazi