Shokirjon Mirziyoyev “Jismoniy va yuridik shaxslarning murojaatlari bilan ishlash, nazorat va monitoring” bo‘limi boshlig‘i etib tayinlandi
Shokirjon Mirziyoyev 1993 yili Namangan viloyati, Chortoq tumanida tug‘ilgan. Ma'lumoti oliy, 2020 yili Namangan muhandislik-qurilish instituti, 2024 yili Vazirlar Mahkamasi huzuridagi “Biznes va tadbirkorlik” oliy maktabini tamomlagan.
Mehnat faoliyatini 2021 yilda Namangan muhandislik-qurilish instituti Yoshlar masalalari va ma'naviy-ma'rifiy ishlar bo‘yicha prorektori ish yurituvchi kotibligidan boshlagan. Shundan so‘ng Talabalarni turar-joy bilan ta'minlash ishlarini muvofiqlashtiruvchi bo‘lim bosh mutaxassisi bo‘lib ishlagan.
Tayinlovga qadar "Jismoniy va yuridik shaxslarning murojaatlari bilan ishlash, nazorat va monitoring" bo‘limi bosh mutaxassisi lavozimida faoliyat ko‘rsatib kelayotgandi.
Shokirjon Mirziyoyev institut rektorining joriy yil 1 noyabrdagi buyrug‘i bilan ushbu bo‘lim boshlig‘i etib tayinlandi.