Rektor “Kitobxonlik haftaligi” doirasida tashkil etilgan koʻrgazma bilan tanishdi
Namangan muhandislik-qurilish instituti rektori axborot texnologiyalari markazida “Kitobxonlik haftaligi” doirasida tashkil etilgan kitoblar koʻrgazmasi bilan tanishdi.
Rektor bu yerda institut olimlarining darslik va qoʻllanmalari, axborot-resurs markaziga “Maʼnaviyat karvoni” davomida yetkazib berilgan va professor-oʻqituvchilar tomonidan “Kitob sovgʻa qilaman” aksiyasi doirasida taqdim etilgan kitoblarni koʻzdan kechirdi.
Axborot-resurs markazi xodimlari bilan muloqot davomida “Kitobxonlik haftaligi” yuqori darajada tashkil etilganini eʼtirof etdi va jamoaga minnatdorlik bildirdi.