Oʻzbekiston - Qatar: Boshlangʻich tarkibimiz aniq boʻldi
Bugun Oʻzbekiston milliy terma jamoasi XVIII-Osiyo kubogi chorak final doirasida musobaqa mezboni - Qatarga qarshi oʻynaydi.
Oʻyinni asosiy tarkibda quyidagi futbolchilarimiz boshlaydi: Oʻtkir Yusupov, Farruh Sayfiyev, Rustam Ashurmatov, Otabek Shukurov, Odil Hamrobekov, Jaloliddin Masharipov, Oston Oʻrunov, Umarbek Eshmurodov, Abdulla Abdullayev, Aziz Turgʻunboyev, Abbos Fayzullayev.
“Navbahor”chilardan Oʻtkir Yusupov, Farruh Sayfiyev, Oston Oʻrunov va Odil Hamrobekov boshlangʻich tarkibda oʻyinni boshlaydi.
Bosh murabbiy Srechko Katanes zaxiraga 12 futbolchini kiritgan. Ular orasida “Navbahor”dan Jamshid Iskandarov va Jamshid Boltaboyev hamda namanganlik darvozabon Botirali Ergashev ham bor.
Uchrashuvni Kim Xi Gon boshchiligidagi janubiy koreyalik hakamlar “brigadasi” boshqarib boradi.
Soat 20:30da Doxadagi “Al-Bayt” stadionida boshlanadi. “Sport TV”da koʻrsatiladi.