NamMQIda O‘zbekiston Respublikasi san'at arbobi Ortiqali Qozoqovning ko‘rgazmasi ochildi
Namangan muhandislik-qurilish instituti asosiy binosi kirish qismida O‘zbekiston Respublikasi san'at arbobi Ortiqali Qozoqovning tasviriy san'at namunalaridan iborat ko‘rgazma ochildi.
Ko‘rgazmadan rassomning “Qumg‘on”, “Lolagullar”, "To‘y oldidan”, “Ishkom”, “Yosh oila”, "Vodiy uzra bug‘doyzor", “Qamchiq dovoni”, “Popdagi bozorcha”, “Sanglik qiz” kabi mashhur asarlari o‘rin olgan.
Oldinroq NamMQI ma'muriyati tashabbusi bilan institutning bir guruh talabalari Ortiqali Qozoqovning Pop tumani, Sang qishlog‘idagi shaxsiy galereyasida mehmon bo‘lgan va musavvir bilan bevosita muloqot qilgandi. Institutda ochilgan ko‘rgazma esa oliy o‘quv yurti va rassom o‘rtasida o‘rnatilgan mustahkam aloqalarning yana bir namunasi bo‘ldi.