NamMQIda ijtimoiy-ma'naviy muhit barqarorligini ta'minlashga bag‘ishlangan yig‘ilish o‘tkazildi
Namangan muhandislik-qurilish institutida ijtimoiy-ma'naviy muhit barqarorligini ta'minlash va ta'lim sifatini oshirish masalalariga bag‘ishlangan yig‘ilish o‘tkazildi. Unda NamMQI rektori Sharibboy Ergashev, Davlat xavfsizlik xizmati mas'ul xodimi Farruxbek Bekmuradov, prorektorlar, fakultet dekanlari, dekan o‘rinbosarlari, kafedra mudirlari va bo‘lim boshliqlari ishtirok etdi.
Yig‘ilishda o‘tgan yil davomida institutda amalga oshirilgan ishlar muhokama qilinib, yo‘l qo‘yilgan kamchiliklar bo‘yicha tanqidiy fikr almashildi. Korrupsiyaga qarshi kurash bo‘limi faoliyati yuzasidan hisobot va kelgusidagi rejalari tinglandi.
Joriy yilda ta'lim sifatini oshirish, yaratilgan sharoitlardan unumli foydalanish, talaba-yoshlar bilan ishlash tizimini yangi bosqichga olib chiqish, ularni radikallashuv va yot oqimlarga berilib ketishdan asrash, ijtimoiy-ma'naviy muhit barqarorligini ta'minlash va boshqa qator masalalar bo‘yicha kelishib olindi.
NamMQI media markazi